ꌞꃅꈋ（他乡）

ꁱꊿ：ꐙꃰꄙꃪ

文：井吾都瓦

ꉢꁦꀑꁧꄩꄉꀀꄉꄓꇁꌠ

ꎭꋺꌒꋺꐒꋺꇿꋺꌠꉠꉌꃀ

ꏢꋺꐔꋺꈌꋺꌈꋺꌠꉠꐥꐨ

ꏨꆉꅏꊭꎑꄉꃄꇖꄹꊂꃰꏢꉪ

ꌳꉔꉌꃀꀵꄉꌧꇐꐋꄩꎆꏢꉪ

ꉢꇁꌞꃅꑟꇬꆏ

ꐕꇁꉺꍯꑍꇁꌊꈴꏾ

ꐧꇁꃰꊿꆏꒉꉢꇁꃅ

ꌋꐓꉠꉌꃀꁏꇨꀕ

ꃅꏸꆧꁨꇫꅐꇁꀋꆆ

ꀄꂼꂻꇬꂯꉠꃅꈋꀉꄂꂻꇬꎷ

ꄚꑠꃅꑴꇬ

ꃅꇴꇁꂯꆏꃅꊭꂴꆽꆗ

ꃰꊿꌒꂯꆏꎭꌠꂴꆽꇁ

ꎆꎹꋚꈹꉷꃅꐥꌠꆗꌺꀊꋨꁥ

ꀿꅇꎸꇺꋯꌠꅇꂷꀉꋋꇬꇆꀋ

ꋍꍂꎆꎹꂯꋍꑍꎆꄡꇢ

ꃀꅇꂷꋶꒉꌠꅇꂷꀉꋋꇬꇆ

ꌺꋊꌺꃤꆏꌌꀑꑊꆹꄤꊰ

ꎆꎹꋚꈹꉷꃅꐥꌠꌋꅪꀊꋨꁥ

ꀿꅇꎸꇺꋯꌠꅇꂷꀉꋋꇬꇆ

ꎲꁨꄏꁦꀂꏾꐕꄉꐥꂸ

ꃀꅇꂷꋶꒉꌠꅇꂷꀉꋋꇬꇆ

ꀋꁧꂛꊨꆏꌌꀑꑊꆹꄤꊰ

ꋚꎔꒉꎔꊁꆹꐥꑴꌦ

ꃢꎔꈚꎔꊁꆹꅐꑴꌦ

ꊫꂫꎴꌠꊁꆹꎍꑴꌦ